ಜೀವನ ಚಿಂತೆಗಳ ಸಂತೆಯ ಸಮರವೊ, ಸಂತೆಯೊಳಗಿನ ಶಬ್ದದ ಸ್ವರಸ್ಯಕರವೊ....
ಸುಖ ದುಃಖಗಳ ಹಾಲ್ಜೇನ ಸಮ್ಮಿಶ್ರಣವೊ, ಹಾಲ್ಜೇನಿನ ಅನುರಾಗದ ಅತಃಕರಣವೊ....
ಸರಿ ತಪ್ಪುಗಳ ನಲ್ಮೆಯ ಪಯಣವೊ, ನಲ್ಮೆಯೋಳಗಿನ ನಗುವಿನ ಹರಣವೊ......
ತಿರುವುಗಳೆ ತುಂಬಿರುವ ಒಲವಿನ ದಾರಿಯೊ, ಒಲವಿನ ದಾರಿಯಲ್ಲಿನ ಸಾವಿನ ಪರಿಯೊ.....
ತಿಳಿಯದೆ ಆಗುವ ಅಪರಾಧದಾಗರವೊ, ಅಪರಾಧವನ್ನೆ ಮಾಡಲಿರುವ ಬದುಕಿನ ಭರವೊ........ಈ ಜೀವನ.
✍
ಮುಕಮಾಸು
ಯಾರು ಈ ಪ್ರಪಂಚದಲ್ಲಿ ನಾನೆ ಹೆಚ್ಚು ಕಷ್ಟಪಡುತ್ತಿದ್ದೆನೆ ಮತ್ತು ನನಗೆ ಹೆಚ್ಚು ಕಷ್ಟ ಎದುರಾಗುತ್ತಿದೆ ಎಂದು ನಿರ್ಧರಿಸುತ್ತಾರೋ ಅದೇ ಅತಿವ ದೊಡ್ಡ ಮೂರ್ಖತನ.
✍
ಮುಕಮಾಸು
ಜೀವನ ಅನ್ನೋದು ಬಹು ದೊಡ್ಡ ಸಾಗರದಂತೆ ಕಳೆವ ಒಂದೊಂದು ಕ್ಷಣ ಒಂದೊಂದು ಅಲೆಗಳ ಪ್ರತಿರೂಪ. ಎದುರಾಗುವ ಪ್ರತಿ ಅಲೆಗಳಿಗನುಗುಣವಾಗಿ ಮುನ್ನಡೆದರೆ ಸಾಗರದಾಳದಲಿ ಹುದುಗಿರುವ ಮುತ್ತು,ರತ್ನ, ಹರಳು ಮತ್ತನೇಕ ಬೆಲೆಬಾಳುವ ವಸ್ತುಗಳು ಸಿಗಬಹುದು, ಅದೇ ರೀತಿ ಜೀವನ ಪಥದಲ್ಲಿ ಬರುವ ಎಲ್ಲಾ ಕ್ಷಣಗಳನ್ನು ನಿರ್ಭೀತ, ನಿರಾಳ, ನಿರಾತಂಕ ಮತ್ತು ಆಶಾದಾಯಕವಾಗಿ ಅನುಭವಿಸಿ ಸದ್ಮಾರ್ಗದಲಿ ಜಾಗರುಕರಿಗಿ ನಡೆದರೆ "ಮುತ್ತು ರತ್ನಗಳೆ" ನಾವಾಗಬಹುದು.
✍
ಎಂ ಕೆ ಎಂ ಎಸ್
ಯಾವುದೇ ಕೆಲಸ ಅಥವಾ ಜೀವನದಲ್ಲಿ ನಮ್ಮನ್ನು ನಾವು ಸಂಪೂರ್ಣ, ಸಮರ್ಥ, ಸಮಯೋಚಿತ, ಸಮರ್ಪಕ ಹಾಗೂ ಅರ್ಥಪೂರ್ಣವಾಗಿ ಅರ್ಪಿಸಿಕೋಳ್ಳುವ ದಿಕ್ಕಿನೆಡೆಗೆ ತಾಳ್ಮೆಯುಕ್ತ ಪ್ರಯತ್ನ ನಿರಂತರವಾಗಿ ನಿರ್ವಹಿಸಿದರೆ, ಸಾಧನೆಯ ಶಿಖರದಲ್ಲಿ ಸದಾಕಾಲ ರಾರಾಜಿಸುವ ಶಕ್ತಿ ನಮದಾಗುತ್ತದೆ.
✍
ಎಂ ಕೆ ಎಂ ಎಸ್
"ಪ್ರೀತಿ"
ಕಾಣದ ಕಡಲು, ತೀರದ ಮೌನ
ಮುಗಿಯದ ಪಯಣ, ನೋವಿನ ಕದನ
"ಪ್ರೀತಿಯ ಜೀವನ"
ನಲ್ಮೆಯ ಗಾಯನಕೆ ಮೌನದ ರಾಗ
ಒಲುಮೆಯ ಜೀವನಕೆ ತುಂಬಿದ ಮೇಘ.
✍
ಎಂ ಕೆ ಎಂ ಎಸ್
ಮಾತು ಮನಸ್ಸನ್ನ ಹಾಳು ಮಾಡುತ್ತೆ
ಮೌನ ಪ್ರೀತಿನ ಹೆಚ್ಚು ಮಾಡುತ್ತೆ
ಕೋಪ ಕನಸನ್ನ ಸುಟ್ಟು ಹಾಕುತ್ತೆ
ಸಹನೆ ಬಾಳಿನ ದಾರಿಗೆ ದೀಪವಾಗುತ್ತೆ
ಪ್ರೀತಿ ಮತ್ತು ಸಹಬಾಳ್ವೆಯ ಶಿಖರವನ್ನೆರಲು ಮೌನದ ಕನಸಿಗೆ ಸಹನೆಯ ಮಾತು ದಾರಿ ದೀಪವಾದರೆ ಬದುಕು ಅತ್ಯದ್ಭುತ.
✍
ಎಂ ಕೆ ಎಂ ಎಸ್
