ನಿ(ನ್ಯಾರೆ)ಯಾರೆ:-

ಪ್ರತಿನಿತ್ಯ ಬರುವವಳು ಬಂದೆನ್ನ ಕಾಡೊಳು
ಕಣ್ಬಿಟ್ಟರೆ ಮರೆಯಾಗೊ ಮಿಂಚುಳ್ಳಿ ನಿನ್ಯಾರೆ
ನೀರಂತ ಗುಣದೊಳು ತನುಮನವ ಕುಣಿಸೊಳು
ಹಾಲ್ನಗೆಯ ಚೆಲ್ಲೊ ಚಂದುಳ್ಳಿ ನಿನ್ಯಾರೆ
ಇಬ್ಬನಿಯ ತಂಪಿವಳು ಸಂಪಿಗೆಯ ಕಂಪಿವಳು
ನೀರಲೆಗೆ ನಗು ಸಾಲ ಕೊಡುವ ನೀರೆ ನಿನ್ಯಾರೆ
ಹಾಲ್ಗಡಲ ನಗೆಯೊಳು ಸಿಹಿ ಮುತ್ತು ನೀಡೊಳು
ಜೇನಿನ ಹೊಳೆಗೊಡತಿ ನನ್ನೊಲವೆ ನಿನ್ಯಾರೆ
ಹೊತ್ತಿಲ್ಲದೆ ಸುಳಿಯೊಳು ಗೊತ್ತಿಲ್ಲದೆ ಮನ ಮರೆಸೊಳು
ಎತ್ತಿನ ಗಂಟೆ ನಾದದಕ್ಕೆ ನಡೆವ ವಯ್ಯಾರಿ ನಿನ್ಯಾರೆ

- ಮುಕಮಾಸು