ರೋಜ :-

ಹೆಣ್ಣೆ ನೀನೇನಾ ಒಲವ ಹೊಂಬೆಳಕು ನನ್ನ ಹೃದಯದ ಮನೆಗೆ
ಕಣ್ಣೆ ನಿನ್ನಿಂದ ಕನಸ ಸಂಚಾರ ಪ್ರೀತಿ ಉಸಿರಿನ ಜೋತೆಗೆ
ಅಂದದ ತೋಟಕೆ,  ರೋಜ ಹೂ ಚಂದ
ಈ ಜೀವ ಬದುಕಿದೆ, ನಿನ್ನ ನೆನಪಿಂದ
ಆಸೆಗಳ ಪೂರೈಸಲು ಬಾರೆ

ಹೆಣ್ಣೆ ನೀನೇನಾ ಒಲವ ಉಯ್ಯಾಲೆ ನನ್ನ ಹೃದಯದ ಮನೆಗೆ ||

ನೆನಪಿನ ಹಕ್ಕಿಗಳು ರೆಕ್ಕೆ ಬಿಚ್ಚಿ ಹಾರಿದೆ
ಬಾನಿನ ದಾರಿಲಿ ಪ್ರೀತಿಗಾಗಿ ಕಾದಿದೆ
ಚಲುವಿನ ಮನೆಯನು ಗಾಳಿಯಲಿ ಕಟ್ಟುತ
ಪ್ರೀತಿಯ ಶಿಖರವ ಮತ್ತೆ ಮತ್ತೆ ಮುಟ್ಟುತ

ಇರವೆಯ ಗೂಡಿಗೆ, ಸಕ್ಕರೆ ಸವಿಯಂತೆ
ಇರುವೆಯ ನನ್ನಲಿ, ಧಮನಿಯ ನುಡಿಯಂತೆ

ಈ ಮನಸನು, ಸಂತೈಸಲು ಬಾರೆ

ಹೆಣ್ಣೆ ನೀನೇನಾ ಒಲವ ಉಯ್ಯಾಲೆ ನನ್ನ ಹೃದಯದ ಮನೆಗೆ||

ತಂಪು ತಂಪು ಚಳಿಯಲು ಬೆವರಿದೆ ಈ ಮನ
ನಿನ್ನ ಉಸಿರ ಶಾಖವು ಮರಳಿ ಬಂದು ಅನುದಿನ
ಕಣ್ಣ ಮುಚ್ಚಿ ಕುಳಿತರು ನೀನೆ ಎದುರು ಬಂದಂತೆ
ಸಮಯವು ಕೆಲಸಕೆ ರಜೆ ಹಾಕಿ ನಿಂತಂತೆ

ಆ ರತಿಯಂತೆ ಧರೆಗಿಳಿ ನೀನು
ಆರತಿಯಾಗಿ ಬೆಳಗುವೆ ನಾನು

ಮುಂಗಾರಿನ, ಮಿಂಚಂತೆ ನಿ ಬಾರೆ

ಹೆಣ್ಣೆ ನೀನೇನಾ ಒಲವ ಉಯ್ಯಾಲೆ ನನ್ನ ಹೃದಯದ ಮನೆಗೆ ||

✍
ಮಕಮಾಸು